Kienjermusical

Kienjermusical 2026

Saharazandj

Ein waek veur Vastelaovend zeen veer vrundinne bezig mit häör lèste schminkoefeninge. ‘n Enorme wolk Saharazandj zorg t’r aevel veur det Remunj ónger ‘t sjtaof verdwient. Door ‘t touverechtige zandj kómme ouch de karreljóngfigure op ‘t sjtadhoes van Remunj toet laeve. Volges ’n aaj legende beteikent dit det Vastelaovend neet door kin gaon, behalve es de traddiesie aan ’n nuuj ginnerasie waert doorgegaeve.

De karreljóngfigure, de pepiersjöpper, de nar, de órgeldrejjer, de buusjop, de sjmeed, de vórstin, de kleijermaeker en de boewmeister vertèlle de gesjiedenis van Remunj en zeen daonave ónmisbare elemente van Vastelaovend. De laevende beelde gaeve veer vrundinne de opdrach óm op zeuk te gaon nao ‘t negende element. Allein op die meneer kinne ze de toekóms van Vastelaovend veiligsjtèlle.

Mit wie de maedjes op zeuk gaon nao ónmisbare berope veur de Vastelaovend
vertèlle häör euvergrootelders in ‘t verzorgingshoes taegenein wie zie Vastelaovend zèsenzèstig jaor geleje gered höbbe wie de beelde toet laeve kwame. Nao ‘n lange zeuktoch kómme de maedjes d’r oeteindelik achter waat ‘t allerbelangriekste element is óm Vastelaovend te kinne blieve viere. ‘t Antjwaord lik kórterbie bie häörzelf dan ze kóste bedinke.

Saharazandj is ‘n humoristisch eerbetoon aan de gesjiedenis en toekóms van Vastelaovend in Remunj.

Optraeje bij Vastelaovescafé van TVEllef, januari 2026. Ein aad leedje oet Remunj in ein nuuj jeske gesjtaoke 🙂 Tekst: traditional en Karin Straus Muziek: traditional en Hub Boesten Effe sjienze…………….. Sokker op de vlaai